陳蟹

與友人陳生閒聊。

「最近有咩搞作呀？」我問。

「無呀，諗住係深圳搞檔生意。」陳生答。

「賣野呀？」

「係呀。」

「賣咩呀？」我好奇。

「賣蟹。」陳生答。

我愕然。

蟹？

但想起荃灣街頭，有賣大閘蟹的店舖，大閘蟹被水草綑著，一隻隻放在透明冰箱裏，卻又明碼實價。現在香港的花膠也可以「炒」，無奇不有，投資蟹，不行嗎？

賣蟹，收人民幣，強！

「犀利喎，街舖黎架？」我讚嘆道。

「係呀。」陳生沉著道。

陳生果然胸有成竹。內地人信香港貨，難道香港的大閘蟹，比陽澄湖的，更具信心保證？看通這條財路，陳生果然天生生意人頭腦。

「點解夠膽投資既？」我問。

「無呀，間舖我表妹做開，佢入Ｄ貨靚，人介紹人，做左班熟客返來。」陳生仍舊沉著道。

原來已經有人！

業務已開拓了，所謂「食正條水」，怪不得那麼胸有成竹。

聽到Ｄ蟹靚，忍不住道：「喂，惦呀！得閒攞Ｄ落黎打邊爐，益吓兄弟喎！」

陳生譁然道：「打邊爐？點打呀？黐線！」

大閘蟹不可以打邊爐嗎，我解釋：「蒸好食，但打邊爐未試過。」

陳生道：「黐線！邊有人攞隻鞋黎打邊爐！」

我奇怪道：「鞋？唔係蟹咩？」

陳生道：「X，鞋呀！」

噢，沒口福了。