Blogger

Translate This Blog

2013年4月21日星期日

托沙膠



托沙膠
裝修學徒


租了葵芳一處地方,作為自己的媒體工作室。工作室牆壁陳舊花爛,需重新鋪上英泥,遂找「泥水師傅」一名動工。

師傅姓潘,國子臉,說話帶鄉音,尚算能溝通,且談吐頗為和藹,以「裝修佬」來說,非常斯文。潘師傅59歲,個子矮小,但身材頗為橫碩,屬很健壯。以前我曾跟潘師傅合作過,知道他為人敦厚,值得信賴。

這次他接近免費幫手拆牆、鋪英泥、拉電線,真夠朋友。

為了省下潘師傅時間及工錢,各種材料,由我購買及運送,師傅只需動手工。師傅說要英泥,我買英泥,說要「牛奶水」,我買「牛奶水」,他要什麼,我買什麼。難得人家騰出私人時間幫忙,準備工夫,自己當然要做得妥當。

潘師傅給牆身批上英泥後,拍檔「妖魔」希望牆身質感,能再「滑溜」一點。

「鋪「菜膠」得唔得?」我問。

「菜鳩(膠)唔得呀,用沙鳩(膠)啦~~」潘師傅習慣說話,尾音很長。

我未聽過「沙膠」這種物料,遂問:「吓?咩膠? 沙膠?」

「係呀,沙鳩(膠)呀,美國果隻,美國沙鳩(膠)呀~~~」潘師傅答。

「OK,咁去邊度買呀?」我問。

「去浩鑅啦~~~~」潘師傅好像以為我知道似的。

「咩呀?浩鑅呀?係咪建材鋪頭黎架?」我問。

「係呀,係樓下,過幾條街,果間浩鑠。」潘師傅答。

「OK。咁我尼個星期去買。」我滿以為這件事非常簡單。臨行前,突然醒醒,我問潘師傅:「師傅,D沙膠要買幾多呀?」

潘師傅想想,答:「咁上吓得架啦~~」

咁上吓?那我要買多少才對?我著急道:「咁即係幾多呀?一包?」

潘師傅道:「兩包倒啦~~~」

「OK,兩包。」我順便問問:「一包幾重?」

潘師傅道:「四十KG。」

「四十KG?」我驚呼道:「兩包,咪八十公斤?」

潘師傅道:「係呀,好輕姐。我試過托五十公斤沙,一口氣行七層。」

我嘩然道:「師傅,我揸筆搵食架咋。四十KG,有八包米咁重呀!」

潘師傅也笑笑,但為了省錢,我最終也只好借了手推車(板車),硬著頭皮向浩鑅建材邁進。

下一回:
裝修學徒

2 則留言:

  1. 咪係JERRY"美國膠砂301 " 囉嗦!

    回覆刪除

Stat Counter


View My Stats

搜尋此網誌