托沙膠

托沙膠
裝修學徒


租了葵芳一處地方，作為自己的媒體工作室。工作室牆壁陳舊花爛，需重新鋪上英泥，遂找「泥水師傅」一名動工。

師傅姓潘，國子臉，說話帶鄉音，尚算能溝通，且談吐頗為和藹，以「裝修佬」來說，非常斯文。潘師傅59歲，個子矮小，但身材頗為橫碩，屬很健壯。以前我曾跟潘師傅合作過，知道他為人敦厚，值得信賴。

這次他接近免費幫手拆牆、鋪英泥、拉電線，真夠朋友。

為了省下潘師傅時間及工錢，各種材料，由我購買及運送，師傅只需動手工。師傅說要英泥，我買英泥，說要「牛奶水」，我買「牛奶水」，他要什麼，我買什麼。難得人家騰出私人時間幫忙，準備工夫，自己當然要做得妥當。

潘師傅給牆身批上英泥後，拍檔「妖魔」希望牆身質感，能再「滑溜」一點。

「鋪「菜膠」得唔得?」我問。

「菜鳩(膠)唔得呀，用沙鳩(膠)啦~~」潘師傅習慣說話，尾音很長。

我未聽過「沙膠」這種物料，遂問：「吓？咩膠？ 沙膠？」

「係呀，沙鳩(膠)呀，美國果隻，美國沙鳩(膠)呀~~~」潘師傅答。

「OK，咁去邊度買呀？」我問。

「去浩鑅啦~~~~」潘師傅好像以為我知道似的。

「咩呀？浩鑅呀？係咪建材鋪頭黎架？」我問。

「係呀，係樓下，過幾條街，果間浩鑠。」潘師傅答。

「ＯＫ。咁我尼個星期去買。」我滿以為這件事非常簡單。臨行前，突然醒醒，我問潘師傅：「師傅，Ｄ沙膠要買幾多呀？」

潘師傅想想，答：「咁上吓得架啦~~」

咁上吓？那我要買多少才對？我著急道：「咁即係幾多呀？一包？」

潘師傅道：「兩包倒啦~~~」

「OK，兩包。」我順便問問：「一包幾重？」

潘師傅道：「四十ＫＧ。」

「四十ＫＧ？」我驚呼道：「兩包，咪八十公斤？」

潘師傅道：「係呀，好輕姐。我試過托五十公斤沙，一口氣行七層。」

我嘩然道：「師傅，我揸筆搵食架咋。四十ＫＧ，有八包米咁重呀！」

潘師傅也笑笑，但為了省錢，我最終也只好借了手推車(板車)，硬著頭皮向浩鑅建材邁進。

下一回：
裝修學徒